SKAAPSTERTJIES IN DIE OOND

1½ kg skaapstertjies
1 eetlepel droë tiemie
biltongspeserye, na smaak
knoffel, na smaak
sout en peper, na smaak
3 eetlepels Worcestershiresous
3 eetlepels suurlemoensap
50 ml tamatiepasta
1 ui, grof gekap

Sit stertjies in die stoompot en kook vir een uur saam met Worcestershiresous en suurlemoensap. Behou sous van stoompot. Bedek oondbakbodem met growwe uiestukke. Versprei stertjies bo-oor die uie. Meng ± 1½ – 2 koppies van die souswater van die stoompot met tamatiepasta en giet bo-oor die stertjies.
Sprinkel speserye, geurmiddels en knoffel oor. Sit ‘n deksel/bedekking op oondbak en bak in oond by 160 °C vir 1½ – 2 ure.
Haal die deksel/bedekking af en rooster bietjie tot bruin voor opdiening.

Resep en foto: Frances Smith