SKAAPBOUD IN SWARTPOT OP DIE STOOF

1 skaapboud
sout en peper
30 ml asyn
paar swart peperkorrels
3 lourierblare
takkie roosmaryn
6 heel knoffel huisies, skoongemaak
200 ml water

Vee boud droog met ‘n skoon vadoek.
Maak 3 kepe in boud en stop 3 knoffelhuisies aan elke kant en strooi sout en peper oor.
Giet asyn in swartpot, sit boud met peperkorrels, lourierblare en roosmaryn in pot.
Voeg water by, maak pot toe om te kook.
Wanneer boud braai, draai om en laat ander kant ook bruin braai.
Voeg ekstra water by soos wat boud gaar word vir so 2 ure.
Laat effens afkoel en sny in skywe, bedien met groente en stysel van jou keuse.

Resep geplaas deur Marie Dumas Jennings
Foto: Marie Dumas Jennings