• 180 ml melk
• 60 g donker baksjokolade, opgesny
• 125 ml bruinsuiker
• 2 eiers
• 40 g botter, gesmelt
• 5 ml kaneel
• 525 ml koekmeel
• 15 ml bakpoeier
• 250 ml versiersuiker
• Sous:
• 100 ml water
• 100 ml Ideal Melk
• 45 ml gouestroop
• 60 g botter
• 1 lemoen se gerasperde skil
• Voorverhit die oond tot 160°C. Bespuit ‘n diep oondvaste bak, 25 cm in deursnee.
• Verhit die melk en smelt die sjokolade daarin deur die sjokolade bietjies-bietjies by te roer. Roer die suiker by.
• Klits die eiers, gesmelte botter en kaneel saam en voeg die melkmengsel hierby. Klits weer goed.
• Sif die koekmeel, bakpoeier en versiersuiker saam in ‘n mengbak.
• Vou die meelmengsel bietjies-bietjies by die melkmengsel in tot goed gemeng. Giet in die voorbereide bak.
• Bak ongeveer 45 – 50 min lank of tot die toetspen skoon uit die middel van die poeding kom.
• Kook intussen al die bestanddele van die sous saam. Roer gedurig.
• Druk gaatjies in die poeding sodra dit uit die oond kom en giet die sous stadig oor sodat dit goed kan intrek.

Bedien met vla.