SJERRIE LAMSKENKELS
- 1 lamskenkel per persoon
- 250 ml koekmeel
- 60 ml botter
- 30 ml olyfolie
- 1 groot ui, opgekap
- 4 knoffeltoontjies, opgekap
- 5 ml droë tiemie
- 250 ml “Old brown” sjerrie
- 1 blik (400 g) heel tamaties, opgekap
- 500 ml beesvleisaftreksel
- 15 ml bruinasyn
- 250 ml kookwater
- 30 ml bruinsuiker
- sout en peper na smaak
Verhit die botter in ‘n groot pan of kastrol by hoë hitte op die stoof.
Rol die lamskenkels in die koekmeel en braai dit tot mooi bruin aan albei kantein die warm botter.
Verwyder die vleis uit die pan en plaas eenkant.
In dieselfde pan, voeg die olie by en braai die uie, knoffel en tiemie tot sag en geurig.
Voeg die sjerrie by, laat dit kookpunt bereik en prut vir 5 min.
Voeg die tamaties, aftreksel, asyn, kookwater en bruinsuiker by.
Plaas die lamskenkels by die vloeistof in die pan en geur met sout en peper na smaak.
Verlaag die hitte na medium en kook tot die skenkels sag en die sous verdik het.
Kookwater kan deur die proses bygevoeg word, indien nodig.
Bedien met kapok aartappels en groente.
Nota:
Ek het die gereg sommer in my prutpot gemaak en vir 6 ure gekook.
Resep en foto: Amanda Austen
