SEMELBESKUIT MET VARIASIE

Resep en foto: Yolandé van der Westhuizen

• 2 x 500 g bruismeel
• 5 koppies semels
• 3 teelepels bakpoeier
• 2 teelepels sout
• 500 g Stork Bake margarien
• 2 koppies suiker
• ½ koppie kookolie
• 2 eiers
• 500 ml karringmelk
• Sif die droë bestanddele saam. Smelt die margarien.
• Voeg die suiker, olie, eiers en karringmelk by die margarien en roer tot suiker opgelos is.
• Voeg die eiermengsels by die meelmengsel. Meng goed deur en sit in beskuitpanne.
• Bak 1 uur teen 180°C.
• Variasie: Vervang semels met ander bestanddele indien verkies. Bv 3 koppies semels met 2 koppies Muesli of voeg gedroogte bosbessies by.