SAPPIGE FRIKKADELLE

Heerlike eenvoudige Sondag middag ete… met Malva poeding en vla vir nagereg.

Voorverhit oond op 180°C.

1 kg maalvleis of jy kan worsmengsel ook gebruik
2 groot gekapte uie
1 koppie vars broodkrummels
1 eetlepel asyn
1 eetlepel tamatiessous
1 eetlepel blatjang of sweet chillie sous
1 eetlepel Worcestersous
1 teelepel naeltjies
1 eetlepel fyn koljander
1 eetlepel Worcestersous sout
2 teelepels droë organum
½ teelepel sout
1 geklitste eier

Meng al die bestanddele liggies saam met ‘n vurk, behalwe 1 opgekapte ui. Moenie oormeng nie.
Smeer ‘n oondbak met olie.
Maak bolletjies van die mengsel en plaas in oondbak.
Plaas 1 opgekapte ui in die bak saam die maalvleis bolletjies.
Bak vir 30 minute teen 180ºC.

Resep en foto: Heleen Nel