“SANDWICH SPREAD” BROODSMEER
- 3 wortels
- 1 groot ui
- 1 groot komkommer
- 1 rooi soetrissie
- 1 geel soetrissie
- 1 groen soetrissie
- bruinasyn (genoeg om die groentemengsel te bedek)
- 4 eetlepels suiker
- sout en peper na smaak
- mayonnaise na smaak (maak die mengsel net lekker nat met dit)
Verwerk al hierdie groente in ‘n voedselverwerker tot lekker fyn.
Gooi bruinasyn oor groente tot goed bedek en laat staan oornag.
Volgende oggend gooi die asyn af en skep lepelsvol groente in ‘n skoon doek en druk groente droog tot daar geen vloeistof meer uitkom nie.
Strooi sout en peper na smaak oor en ook so 4 eetlepels suiker.
Meng laastens die mayonnaise goed deur.
Bottel nou in gesteriliseerde flesse en bewaar in yskas.
Nota:
Ek het net een eetlepel suiker gebruik.
Foto: Nicolette Papas
Category:
