SAMPIOEN, KEKERERTJIE EN AVOKADOSLAAI
- ½ blikkie kekerertjies, gedreineer
- 6 – 8 sampioene, opgesny
- speserye na smaak
- 1 handvol gemengde slaaiblare en roket
- ⅓ komkommer, opgesny
- 6 – 8 baba Roma tamaties, in die helfte gesny
- klein stukkie Parmesaankaas, gerasper
- 6 – 10 Kalamata olywe, in die helfte gesny
- 2 opgesnipperde sprietuie
- handvol geroosterde pampoenpitte
- 1 klein of ½ groot ryp avokado, in blokkies gesny
- Tuisgemaakte Griekse jogurtsous:
- ½ koppie Griekse jogurt
- 1 teelepel geroosterde komyn
- paar opgekapte kappertjiesade
Braai sampioene in ‘n pan met ‘n bietjie olyfolie en speserye vir 10 – 15 min. Laat afkoel.
Meng die blaarslaai, komkommer, tamaties, Parmesaan, olywe en sprietuie in ‘n mengbak en skep uit op ‘n bord.
Meng die Griekse jogurt , komyn en ‘n paar opgekapte kappertjiesade saam.
Skep die jogurtsous oor die slaai, en rangskik dan die kekerertjies en sampioenmengsel bo-op.
Rangskik die avokado bo-op en sprinkel met geroosterde pampoenpitte.
Resep en foto: Chante Putter
Category:
