SALM, ROOMKAAS EN AVOKADO PIZZA

“Viola! Een yummy yum salm avokado pizza.”

1 skoon pizzabasis, grootte na gelang van behoefte
salm, na smaak en in repies gesny
1 avokado, grootte na smaak en gesny
roomkaas, na smaak
vars suurlemoensap, na smaak
grasuie, na smaak
vars of droë dille, na smaak
sout en peper, na smaak
sesamesaad, na smaak

Berei een skoon pizzabasis sonder kaas voor. Bak dit vir ongeveer 10 – 13 minute in voorafverhitte oond teen 220°C en laat dit afkoel vir sowat 20 minute.
Laat die pizzabasis heeltemal afkoel, dit moet koud wees.
Sny die avokado in die helfte en verdeel dit in dun snytjies en druk vars suurlemoensap bo-oor sodat die avokado nie verkleur nie.
Smeer roomkaas oor die afgekoelde pizzabasis, plaas die avokadorepies en dan die salmrepies op die basis.
Strooi bietjie sout en peper na smaak oor (ek het net peper opgesit en gevind die pizza is sout genoeg vir my).
Jy kan nog vars suurlemoensap bo-oor druk.
Sprinkel vars of droë dille, grasuie en sesamesaad oor en sit voor.

Resep en foto: Sarie Van Vuuren