SALIGE DADELPOEDING IN KASTROL

Dadel poeding wat mens ini pot gaar kook, net soos my ouma altyd gemaak het toe ons nog kinders was.
Die beslag lyk min, maar mens kan maklik 8 porsies uitkry as dit gaar is.

Beslag:
3 koppies koekmeel, gesif
1 teelepel fyn gemmer
3 eetlepels gouestroop
7 ml koeksoda
250 ml fyngesnyde dadels
250 g margarien
5 ml kaneel
10 ml karamelgeursel
5 ml sout
250 ml kookwater
Stroop:
6 koppies water
1 eetlepel bruinasyn
3 koppie bruinsuiker
10 ml fyn lemoenskil

Vryf botter in meel in, voeg gemmer en kaneel by. Meng koeksoda met kookwater.
Voeg dadels en gouestroop hier by by die koeksodamengsel.
Meng goed, voeg by meelmengsel, roer deur.
Maak stroop in ‘n redelike groot kastrol, laat vinning kook, voeg lepelsvol beslag in kokende stroop, sit deksel dadelik op en kook oor lae hitte, met deksel op, 15 tot 20 minute. Moet glad nie die deksel oplig in hierdie tyd nie.
Bedien met dun vla en klapper.

Resep geplaas deur Floraine Wasserman Venter
Foto: Naomi van der Hyde