RYK SITRUSKOEK

4 groot eiers
250 g strooisuiker
125 g gesmelte botter of goeie bak margarien
100 g gekapte amandels
125 g fyn klapper
1 suurlemoen se gerasperde skil + 50 ml sap
1 lemoen se gerasperde skil + 50 ml sap
175 g bruismeel, gesif

Voorverhit die oond op 180°C.
Plaas alle bestanddele in voedselverwerker en meng op hoog vir 30 sekondes.
Skep die beslag in ‘n 23 cm koekpan, gespuit, bodem gevoer met bakpapier en weer gespuit
Bak vir ± 50 – 60 minute.
Haal uit oond en laat rus vir 10 minute in die pan.
Keer uit op koelrakkie en laat heeltemal afkoel.
Poeier versiersuiker bo-oor en bedien met geklopte room en ‘n minttakkie.

Resep en foto: Helene Burger