ROOIBOK NEK- EN SKENKELSPOT

Resep en foto: Gideon Louw
Ek het gistraant hierdie wildsvleis ( rooibok ) skenkel en nek poitjie gemaak en dit was vrek lekker

• 4 kg skenkel- en nekstukke. Vooraf laat lê in asyn water vir 4 ure
• 3 wortels geskil en in repe gesny
• 2 groot aartappels geskil en in stukkies gesny
• 1 eetlepel rissieflokkies
• 1 eetlepel witpeper
• 1 eetlepel sout
• 2 eetlepel knoffelflokkies
• 1 pakkie bees- en uiesoppoeier opgelos in ‘n ½ koppie water
• 1 liter water
• Verbruin die vleis vooraf in ‘n warm pot.
• Voeg die uie by en verbruin saam met die vleis.
• Voeg die water by en bring tot kookpunt.
• Laat prut die pot vir 2 ure.
• Voeg die wortels en aartappels by asook alle ander bestanddele behalwe die soppoeier en prut vir nog twee ure.
• Voeg die soppoeier by 45 minute voor pot reg is.
• Laat rus die potjie vir ‘n half uur, terwyl jy nog ‘n fynetjie vat.
• Bedien vleis op ‘n bed kapokaartappels of soos verkies.
• Dit was baaaaaaaie lekker….