ROOI FLUWEELKOEKIES

Resep en foto: Gisela Pruter

580 g Ina Paarman “Red Velvet” koekmengsel
2 groot eiers
60 ml kookolie
30 ml melk
versiersiersuiker
Voorverhit oond op 180°C. Voer bakplate met bakpapier uit.
Meng al die bestanddele, behalwe versiersuiker saam in ‘n mengbak (ek het dit sommer met ‘n houtlepel gedoen).
Rol in kleinerige balletjies en daarna in die versiersuiker (moenie skaam wees met die versiersuiker nie).
Pak dit op die voorbereide bakplate en bak vir 8 tot 10 minute.
Laat afkoel op draadrakkie en verpak daarna lugdig.