ROOI FLUWEEL KOLWYNTJIES

Red velvet cupcakes

Beslag:
625 g koekmeel
125 ml kakaopoeier
5 ml koeksoda
3 ml sout
250 ml botter, saggemaak
500 ml suiker
4 eiers
250 ml suurroom
125 ml melk
30 ml rooi voedselkleursel
10 ml vanilla
Versiersel:
240 ml roomkaas, saggemaak
125 ml botter, saggemaak
30 ml suurroom
10 ml vanilla
500 g versiersuiker

Voorverhit die oond tot 180°C. Sif die koekmeel, kakaopoeier, koeksoda en sout saam. Hou eenkant.
Klits die botter en suiker met ‘n elektriese klitser, ongeveer 5 minute lank tot lig en donsig.
Voeg die eiers een vir een by en klits goed.
Voeg die suurroom, melk, voedselkleursel en vanilla by. Klits goed.
Meng die nat bestanddele met die droë bestanddele, tot net goed gemeng. Moet nie oor klits nie.
Skep kolwyntjie papiertjies driekwart vol.
Bak 20 minute lank of tot toetspen skoon uitkom. Laat afkoel.
Versier wanneer afgekoel.
Vir die versiersel klits die roomkaas, botter, suurroom en vanilla saam.
Voeg dan die versiersuiker stadig by en klits tot goed gemeng.

Resep en foto: Amanda Austen