RONELL SE FYN BOONTJIESOP
- 1 pakkie gespikkelde boontjies, oornag in kouewater geweek
- 500 g bees sopvleis
- 1 groot ui, opgekap
- 4 wortels, fynkant gerasper
- 4 medium aartappels, fynkant gerasper
- pietersielie, sommer genoeg fyngekap
- 1 beesvleis blokkie
- sout en peper en vleisspeserye
- 1 eetlepel tamatiepuree
- bietjie Worcestersous
Nadat bone oornag geweek het, spoel af en kook SONDER SOUT.
Spoel tussendeur af en kook weer tot sag. Kan lank vat, kook al die oggend. Druk liggies op boontjies tot hulle breek.
Kook sop:
Voeg vleis in pot met sout, peper en sousblokkie asook ander speserye. Voeg Worcestersous en ui by.
Voeg kookwater by tot vleis goed toe is onder die water. Kook en voeg aanmekaar kookwater by, sodra dit minder word.
Sodra vleis sag is, ontbeen en sny fyn en sit terug in pot. Voeg die groente by en kook tot sag. Voeg nou jou fyn boontjies by asook die tamatiepaste en pietersielie. As daar enige speserye kort of sout en peper voeg by.
Prut vir so 20 minute, proe en as dit reg is kan jy bedien met rolletjies of broodjie.
Dun of dikte van sop hang af van hoeveelheid vloeistof.
As te dun, voeg ‘n halwe pakkie soppoeier aangemaal met bietjie water, van jou keuse by, en kook weer goed deur.
Resep en foto: Ronell Muller Boshoff
