ROMERIGE HOENDER TAMATIEPASTA

Jy kan resep aanpas soos jy wil en dit sal steeds lekker wees! Amper ‘n eenpot-dis!

500 g hoenderborsies, opgesny
4 of 5 koppies rigatoni pasta (Rigatoni is groot so 5 koppies klink erger as wat dit is)
knoffel na smaak
1 medium rooi ui, gekerf
1 medium rooi soetrissie, opgesny
handvol kersietamaties
2 koppies pasata sous
100 ml room
feta vir krummel
sout en peper na smaak

Braai ui, knoffel, tamaties, rooi soetrissie en hoenderborsies tot alles gaar en sag is.
Voeg pasata sous by en laat dit deurkook.
Roer room by en kook verder.
Kook pasta apart tot al dente. Voeg ½ koppie van die pasta water by hoendermengsel en kook verder deur.
Voeg pasta by hoendermengsel en roer deur.
Voeg sout en peper na smaak by en krummel feta oor.

Resep en foto: Michelle Bekker