ROMERIGE HOENDER- EN HAMPASTEI

30 ml olie
1 medium ui, opgesny
1 knoffelvingertjie, fyn gesny
250 g (1 pak) sampioene, in skyfies gesny
680 g gaar hoender, in stukkies gesny
220 g ham, in blokkies gesny
250 g (1 houer) gladde maaskaas
5 ml Dijon mosterd
fyn gerasperde skil van 1 suurlemoen
45 ml vars pietersielie, fyn gekap
1 eier, liggies geklits
sout en peper na smaak
1 rol skilferkors deeg, ontdooi
eier en melkmengsel om oor deeg te smeer

Voorverhit die oond tot 180°C, en bespuit ‘n oondbak met kleefwerende kossproei.
Verhit die olie in ‘n groterige kastrol tot warm en soteer die ui, knoffel en sampioene in die olie tot sag.
Verwyder van die hitte en voeg die res van die bestanddele by. Meng liggies deur en geur na smaak.
Verdun effens met bietjie melk as dit baie styf is. Skep die mengsel in die voorbereide bak.
Sit skilferkors bo-op en smeer met eiermengsel. Maak ‘n snytjie in die middel van die deeg dat die stoom kan uitkom. Bak ongeveer 30 min tot goudbruin en gaar.

Resep en foto: Amanda Austen