RINIE SE MACARONI EN KAAS MET MOZZARELLA

Vroulief het vir aandete hierdie heerlike mac and cheese gemaak ons het dit saam met ‘n groenslaai geniet en was djeeeeeeerliky vrou kan!

1 pak spek, gesnipper
1 rou ui, gekerf
1 teelepel mosterd
1 teelepel rissievlokkies
1 teelepel knoffelvlokkies
1 teelepel sout
swart peper na smaak
4 eiers, geklits
500 ml melk
250 ml room
450 ml gerasperde cheddar kaas
½ koppie broodkrummels
bietjie gerasperde Mozzarella kaas
500 g rou macaroni, gekook

Braai spek effens en hou eenkant.
Voeg melk en room by die eiers.
Voeg die droë speserye/kruie daarby.
Voeg die kaas en spek by die mengsel.
Voeg die uie by.
Voeg die gekookte macaroni by en roer goed deur.
Bak in voorverhitte oond teen 180°C vir 1 uur.
Verwyder uit oond.
Sprinkel die broodkrummels en Mozarella bo-oor.
Bedien na 5 minute.

Resep: Rinie Louw
Foto: Gideon Louw