RINIE SE KERRIEBOONTJIES

Vroulief (Rinie) het vanoggend weer n bietjie kerrieboontjies gekook want die ander kooksel is op en dit is n moét in die Louw huishouding.

4 lb groenboontjies, gekerf (1.8 kg)
4 groot uie, gekerf
1 ½ koppies asyn
1 eetlepel mosterdpoeier
1 ½ eetlepels Maizena
2 eetlepels kerriepoeier
1 ½ koppies suiker

Kook die boontjies en uie saam met ‘n bietjie sout vir ongeveer ‘n halfuur en dreineer.
Voeg dan 1 koppie water by die boontjies en plaas op ‘n warm plaat.
Maak ‘n sous van al die ander bestanddele en voeg dit by die boontjies.
Laat prut vir 2 – 3 minute en bottel die groenboontjies warm.

Resep en foto: Rinie Louw