RINIE SE GEBOTTELDE PASTASLAAI

Resep en foto: Rinie en Gideon Louw
Vroulief Rinie het vandag weer ons heeerlike pastaslaai aangevul,want dit is ‘n moet in die Louw’s se spens kas. Hierdie is waaragtig baaaaie lekker.

325 ml olie
500 ml suiker
500 g uie, geskil en gekap
1 kg tamaties, ontvel en gekap
2 groen soetrissies, ontpit en in repies gesny
250 ml asyn
100 ml mayonnaise
500 g pypie pasta
2 soplepels Aromat
Tabasco sous na smaak
2 teelepels elke van growwe sout, peper, swartpeper, fyngedrukte knoffel
Kook noedels, dreineer en hou eenkant.
Kook olie, suiker, uie, tamaties, soetrissies en asyn vir 20 min.
Voeg die res van die bestanddele, sowel as die noedels by en kook deur vir 5 min.
Bottel warm.
Nota:
Die nadeel van die pypies is dit hou baie lug in die pypies as dit gebottel word so probeer maar soveel moontlik lug uit kry.
Inteendeel skulpies noedel werk lekkerder wat dit betref.