RETHA SE KARRINGMELKBESKUIT

Resep en foto:  Retha Winterbach
Klaar beskuit gebak. Gaan deurnag droog. Die resep het ek by my moeder, Wilma Marais, gekry toe ek nog in die laerskool was. Hy kan nie flop nie.

• 10 koppies koekmeel
• 2 koppies suiker
• 2 teelepels sout
• 18 teelepels bakpoeier
• 750 ml Amazi
• 250 g Rama 70% vet of botter
• 3 ekstra groot eiers
• In ‘n groot bak, meng die meel, bakpoeier en sout saam.
• Vryf die botter in die meelmengsel in dat dit soos krummels lyk. Meng die suiker by.
• Klits die eiers en karringmelk/Amasie saam.
• Meng die eiermengsel by die meelmengsel en meng goed deur.
• Nie nodig om te knie, sorg net dat alles goed gemeng is.
• Sit die deeg in ‘n voorbereide pan of skottel.
• Bak in voorverhitte oond teen 170°C vir 70 min, toets dan elke 10 min tot gaar.
• Laat koud word, sny in beskuite soos verkies en droog of eet dit op met baie botter nog voor dit koud is.