REPIES VARK PITA’S (PULLED PORK)
- 600 g varkvleis (ek het sommer ‘n Texan steak gevat)
- 1 liter water
- 1 bees-ekstrakblokkie
- 1 ui
- rissie, na smaak
- 1 wortel
- fyn knoffel, na smaak
- komyn, na smaak
- 1 blikkie tamatie en uie
- 1 pakkie tamatiepasta
- 1 eetlepel asyn
- 1 eetlepel suiker
Kook die vleis in water met bees-ekstrakblokkie tot sag. Haal uit en trek met 2 vurke uitmekaar. Hou eenkant. As water weggekook het en net bietjie vet oorbly, kan jy gekapte ui, rissie, gerasperde wortel, fyn knoffel en komyn daarin braai. Voeg blikkie tamatie en uie by en pakkie tamatiepasta. Voeg varkvleis, suiker en asyn by en laat prut tot verdik.
- Pita’s:
- 1 pak winkel brooddeeg
- mayonnaise
Verdeel winkeldeeg in 4 balle en rol elke een uit tot so 5 mm dik. Strooi koekmeel op bakplaat en plaas pita’s daarop.
Smeer pita’s met mayonnaise vir kleur.
Bak in voorverhitte oond by 180°C tot gepof en goudbruin bo-op.
Sny “pockets” in pita en bedien met gekerfde kropslaai, gekapte tamatie en avokado, gerasperde cheddar en suurroom. Njam!
Resep en foto: Stef Conradie
Category:
