QUICHE MET KAASBESKUITJIE KORS

Vir die basis het ek twee kaasbeskuitjie/cheese straw resepte gemeng.
Hoeveelhede is aangepas om twee groot terte te maak.

Kors:
3 koppies gerasperede Cheddar kaas
1½ groot pakke kaas en uie skyfies
1.5 koppies ongesifte koekmeel
150 g botter
1.5 teelepel mosterdpoeier, opsioneel, kan ingooi na smaak
1.5 teelepel cayenne pepper, opsioneel, kan ingooi na smaak

Meng bogenoemde saam in voedelsverwerker.
Verdeel deeg in twee oondvaste bakke wat gespuit is met nie kleefwerende middel.
Versprei deeg mooi in bakke om kors te vorm
Voorverhit oond tot 200°C.
Bak korse vir so 10 min.
Haal uit oond en smeer bietjie eier op die kors en sit terug in oond vir kort rukkie, ek het dit gedoen net om seker te maak die eiermengsel wat later oor vulsel gegooi word, nie die kors pap maak nie.

Vulsel:
2 opgesnyde uie
2 pakkies spekblokkies (bacon bits)
1 pakkie sampioene, opgesny
1 groot pak baba spinasie

Braai uie in bietjie olie.
Sodra uie bruinerig begin braai, voeg spekblokkies by en braai tot amper gaar.
Voeg sampioene daarby en die pak baba spinasie. Braai tot droog en alles gaar.
Verdeel die vulsel tussen die twee quiche terte.
Maak nou ‘n eier mengsel aan om bo-oor te gooi.