QUARKSTOLLEN (MAASKAAS STOLLEN)

Resep en foto:  Karin van Dyk
Die resep is vir een brood of twee kleiner brode.

• 500 g koekmeel
• 4 teelepels bakpoeier
• 125 g suiker
• 4 teelepels vanilla suiker of 1 teelepel vanilla geursel
• 2 eiers
• 175 g botter
• 250 g maaskaas
• bietjie sout
• 1 teelepel amandel geursel
• ½ teelepel kaneel
• 150 g gemaalde amandels
• 250 g rosyne
• rum of sap om rosyne in te week
• 100 g marzipan
• Week rosyne oornag in rum of sap.
• Voorverhit die oond tot 180°C.
• Meng al die bestanddele in ‘n bak en knie tot deeg gevorm het.
• Deel deeg in twee.
• Knie marzipan en rol in brood lengte.
• Vou die marzipan in by die deeg en maak seker die deeg dek die marzipan anders loop dit uit.
• Bak in oond vir 45 – 60 min tot goudbruin.
• Verwyder brode uit oond en borsel met sag gemaakte botter.
• Strooi versiersuiker dik oor.
• Laat brode afkoel en draai toe met foelie en kleefplastiek.