PYNAPPELVULSEL VIR KOEKE EN FLANS

½ koppie wit suiker
4 eetlepels koekmeel
knippie sout
1 eier
1 blikke fyn pynappel (of stukke), sap afgegooi maar behou
¾ koppie pynappelsap van die blikkie
1 eetlepel botter/margarien

Kook al die bestanddele behalwe die botter/margarien in ‘n dubbelkoker (of vuurvaste glasbak op kastrol met kookwater) tot dik, roer gedurig.
Roer botter by en laat afkoel om te gebruik as vulsel.

Nota:
Jy kan ‘n gebakte flan vul met hierdie heerlike vulsel en dan geklopte room bo-op sit, of jy kan die vulsel gebruik tussen koek-lae en bo-op as versiersel saam met room.

Resep: Charlotte Verwey Da Silva
Foto’s: Rina Kleinhans