POF-VERSIERSEL BINNE 7 MIN

Dit is nie ryk nie. Dit vorm ‘n bros meringue buite, maar binne is dit sag.
Eet binne 24 uur.

Nota:
Sit 1 teelepel maizena by as jul in klam klimaat bly of dit reën dae is. Dit help met “crunch” lagie.

375 ml witsuiker
75 ml water
2 eierwitte
1 ml kremetart
knypie sout

Plaas bestanddele in mengbak en klits vinnig tot goed gemeng en skuimerig.
Plaas mengbak oor kastrol met kokende water en hou sowat 7 min aan met klits totdat mengsel verdik het om punte te vorm.
Haal mengsel van kokende water af, voeg ‘n paar druppels kleursel by versiersel indien dit dit gekleur moet word.
Skep die versiersel dadelik op die koek en vorm punte met die agterkant van lepel.
Klapper kan nou bo-oor gestrooi word, indien verkies.

Resep geplaas deur: Nicolette Fick
Foto: Nicolette Fick en Anna-Marie Maree Botes