POEDING MET ROOMSTROOP

Beslag:
30 ml botter of margarien
300 ml wit suiker
30 ml appelkooskonfyt
2 ekstra groot eiers
10 ml koeksoda
500 ml melk
30ml asyn
500 ml koekmeel
Stroop:
100 ml botter
300 ml wit suiker
250 ml water
1 blik (410 g) Ideal Melk

Stel die oond op 180°C. Bespuit ‘n 20 x 30 cm oondbak met kleefwerende kossproei.
Verroom die botter en suiker saam.
Klits appelkooskonfyt by en dan ook die eiers een vir een.
Los die koeksoda in die melk op en voeg die asyn by.
Voeg die melkmengsel om die beurt met die meel by die bottermengsel en meng goed.
Skep in oondbak en bak ongeveer 50 minute tot gaar.
Verhit sousbestanddele intussen tot gesmelt.
Bring tot kookpunt en prut vir 5 minute.
Giet oor die poeding sodra uit oond uit kom.
Bedien met vla.

Resep en foto: Amanda Austen