PLATBROOD VIR MIDDAGETE

500 g koekmeel
1 teelepel sout
1 teelepel kruie (ek het suurlemoen en kruie gebruik)
2 teelepel fyn pietersielie
1 teelepel suiker
15 ml / 1 pakkie kitsgis
30 ml botter gesmelt
200 ml warm melk
200 ml warm water

Meng melk, water, suiker en gis en laat staan tot die mengsel begin gis – 10min.
Meng koekmeel, sout, en kruie bymekaar en voeg gismengsel en botter by.
Knië deeg tot elasties en laat rys tot dubbel.
Maak balletjies en rol dun uit met koek roller.
Braai in matige pan tot lekker bruin en gaar.

Nota:
Ek het bietjie botter gesmelt met suurlemoen en kruie en oor warm broodjies gesmeer.

Resep en foto: Jolanda Diederiks