PIESANG EN GRONDBOONTJIEBOTTER MUFFINS

Resep: Ronel Lewies Pretorius
Foto’s en nota: Rina Kleinhans
Nota foto 2: Ek het net 3 groot oorryp piesang gehad en die resep vra vir 4 toe voeg ek ‘n lekker hand vol rosyne by, het die suiker met helfte xylitol vervang, en so bietjie bruinsuiker bo-oor gestrooi voor ek dit gebak het.
Dit is regtig ‘n heerlike klam muffin, probeer dit gerus.

• 4 piesangs
• 1 ½ koppie koekmeel
• ¼ teelepel sout
• 1 teelepel bakpoeier
• 1 teelepel koeksoda
• 1 eier
• ⅓ koppie grondboontjiebotter
• ¼ koppie canola olie
• 5 ml karamel geursel
• ½ koppie bruinsuiker
• Maak piesang fyn en meng met die grondboontjiebotter, eier, olie en geursel.
• Meng suiker by.
• Sif saam sout, meel, koeksoda, bakpoeier.
• Meng die meelmengsel in by die piesangmengsel.Skep in voorbereide muffinpan bak vir 20 – 25 min op 190ºC.
• Nota foto 1:  Vanoggend het ek pekanneute grof gekap en ingesit, en sommer net ‘n neut bo-op gesit sodat mense wat allergies is vir neute dit nie moet eet nie.