PETRE SE LEKKER VRUGTEKOEK

Resep en foto: Petré van Jaarsveld

• 1,3 kg vrugtekoekmengsel
• 400 g rooi glanskersies
• 250 g ontpitte dadels, grof gekap
• 250 g gemengde neute
• 1 flessie groenvye, gekap
• 15 groterige stukke maketaan, fyn gekap
• 1 koppie bosbessies (cranberries)
• 250 ml brandewyn
• 500 g botter
• 500 ml sagte bruinsuiker
• 10 ekstra groot eiers
• 10 ml vanieljegeursel
• 10 ml karamelgeursel
• 60 ml lemoenmarmelade
• 4 koppies koekmeel
• 2 ml sout
• 5 ml neutmuskaat
• 10 ml fyn kaneel
• 10 ml gemengde speserye
• 10 ml fyn gemmer
• 125 ml brandewyn om agterna oor te sit
• Meng al die vrugte met 1 koppie brandewyn en laat week oornag.
• Voer 2 vierkantige 20 cm-koekpanne met 2 lae waspapier en 2 lae bruinpapier. (ek sit nog tinfoil ook tussenin) Spuit of smeer goed en hou eenkant.
• Klop botter en suiker saam tot romerig.
• Voeg eiers een-vir-een by en klop goed na elke byvoeging. (Ek voeg ‘n teelepel koekmeel met elke eier se toev9eging by. Dit help dat die mengsel nie skif nie)
• Voeg die geursels en marmelade by.
• Sif meel, sout en die speserye saam.
• Voeg vrugte by droë bestanddele en meng goed sodat al die vrugte met dit bedek is.
• Meng bottermengsel by en meng goed.
• Skep beslag in gesmeerde panne en bak ongeveer 2 ¼ ure in voorverhitte oond by 140°C.
• Giet 125 ml brandewyn dadelik oor elke koek sodra dit uit die oond kom.
• Laat koeke heeltemal in die panne afkoel, haal uit en verpak.