PEPPERMINT CRISP TERT IN GLASE

200 g Peppermint Crisp sjokolade
1 blik karamel kondensmelk
1 pakkie Romany Creams, fyngemaak
250 ml vars room
1 Moir’s karamel of sjokolade kitspoeding
380 ml melk

Maak die kitspoeding aan met die melk.
Klits room tot styf.
Meng kitspoeding, karamel kondensmelk en room saam.
Rasper die Peppermint Crisp sjokolade.
Meng die helfte van die gerasperde Peppermint Crisp in die karamel-kondensmelkmengsel.
Plaas die beskuitjiekrummels onder in nagereg glase.
Skep die karamel-kondensmelkmengsel op die beskuitjiekrummels.
Strooi die ander helfte van die gerasperde Peppermint Crisp bo-op die poeding in die glase.
Verkoel vir 4 ure.
Bedien en geniet.

Nota:
Hierdie tert kan ook in een groot tertbak gemaak word.

Resep en Foto: Heleen Brummer Nel