PATATROL MET STROOP

1.3 kg patats (2 grotes)
400 g skilferkors deeg (puff pastry), ontvries
250 ml vars room
125 g suiker
gouestroop, na smaak

Kook patats met skil en al in die mikrogolf tot sag, trek die skil af en druk fyn, laat afkoel.
Spuit ‘n medium grootte oondskottel en verhit oond tot 180ºC.
Rol die deeg oop op sy plastiek verpakking. (Nou is dit net een vel deeg)
Pak fyn patats eweredig bo-op die deeg. Drup stroop oor patats. Rol weer die deeg op, die patat sal dan binne wees.
Sit die rol in die vrieskas vir rukkie, laat dit weer goed koud word, dan sny dit makliker.
Sny die rol in 2 cm skywe en plaas op sykant langs mekaar in skottel.
Verhit room en suiker tot kookpunt en gooi oor die patatwiele.
Bak vir 30 min.
Nota:
Die plastiek sal dit maklik maak dat die deeg nie vas sit op oppervlakte met die ooprol nie.
Geniet!

Resep en foto: Meisie Van Der Colff