PATATKOEK
Hierdie koek is vir my amper lekkerder as ‘n wortelkoek. Patats is nou volop. Probeer dit gerus.
- Koek:
- 375 ml olie
- 1 ½ koppie strooisuiker
- 4 eetlepels kookwater
- 4 eiers, geskei
- 375 ml patat, geskil en grof gerasper
- 100 g pekanneute, gekap
- 5 ml vanilla geursel
- 2 koppies koekmeel
- 1 eetlpel bakpoeier
- 1 teelepel fyn kaneel
- knypie fyn neutmuskaat
- knypie sout
- Versiersel:
- 60 ml sagte botter
- 2 koppies versiersuiker, gesif
- 125 g geroomde maaskaas
- 50 g pekanneute, gekap
- bietjie fyn kaneel
Stel oond op 180°C. Klits olie en strooisuiker saam. Voeg kookwater en eiergele by en klits vir 5 minte. Roer patat, neute en vanilla by en meng goed.
Sif meel, bakpoeier, kaneel, neutmuskaat en sout saam en roer by eiermengsel in.
Klits eierwitte styf en vou by mengsel in.
Skep deeg in twee gesmeerde panne en bak vir ongeveer 30 minute of tot toetspen skoon uitkom. Laat koeke effens afkoel.
Versiersel:
Room botter en versiersuiker tot liggeel. Voeg bietjie maaskaas by indien te styf en klits tot glad. Roer maaskaas met lepel by. Nie te veel klits nie.
Smeer versiersuiker op koeke en rond af met neute en kaneel.
Nota: Elaine Steyn Steyn
Het hierdie patatkoek gebak. Dit is werklik heerlik. Ek het nie die eiers geskei nie omdat dit dan klammer is. Ek vind styfgeklopte eierwitte lewer ‘n droeër, sponseriger resultaat.
Ek het 100 g okkerneute gebruik en die neutmuskaat weg gelaat.
Vir versiering het ek 500 g (sowat 3.5 koppies) versiersuiker met 100 g margarien gemeng, dit met volroom gewone jogurt tot ‘n smeerbare versiersel gemeng en toe 5 ml vanilla geursel bygevoeg.
Rersep geplaas deur Jeanette Martins
Foto: Elaine Steyn Steyn
