PASTORIE HOENDER IN DIE PRUTPOT

12 stukke hoender
4 groot wortels
2 koppies rou rys
1 pakkie sampioen soppoeier
1 blikkie tamatie en uiesmoor
4 koppies hoenderaftreksel
sout en peper na smaak

Plaas die rys en soppoeier in die prutpot en meng.
Meng die blikkie tamatie en uiesmoor in.
Meng die 4 koppies hoenderaftreksel in.
Sny die wortels in repies en plaas op die rys.
Sit hoender bo-op en geur met sout en peper.
Plaas deksel op en skakel prutpot aan vir 6 ure op LAAG.

Nota:
Hoender borsies behoort ook te werk, die prutpot hou mos die vleis lekker sappig. Op LAAG het die rys ten minste 4 uur nodig om gaar te raak, so hou maar die borsies dop dat hulle nie droog kook nie.

Resep en foto: Wian Swart