PASTA- EN AARTAPPELSLAAI
Min aartappels, baie mense? Hierdie is heerlik saam met braaivleis of op sy eie.
- 1 ui, in klein blokkies gesny
- 6 eiers, gekook en in blokkies gesny
- 410 g blikkie ertjies, of gevriesde pakkie gekook
- 4 – 6 aartappels, gekook en in blokkies gesny
- handvol droë pietersielie
- 500 g pak spaghetti, in 3 dele gebreek en gekook volgens aanwysings
- mayonnaise, na smaak
- sout na smaak
Laat alles goed koud word en meng met die mayonnaise en pas die sout aan, indien nodig.
Plaas die slaai in die yskas.
Bedien yskoud.
Nota:
Ek gebruik mayonnaise nie “salad dressing” nie.
Jy kan die hoeveelheid bestanddele aanpas.
Resep en foto: Debbie Griessel
Category:
