PAPAJA EN WORTELSLAAI

“Ek het so ‘n aartappelmessie wat repe sny soos spaghetti – werk lekker vir wortels en ander groente ook en het my wortels in klein repies hiermee gesny. Lemoensap of naartjiesap kan ook bygevoeg word indien dit effens droog is óf as die papaja nie soet is nie. Ek het dit net so geniet, sonder sout en peper, ook opsioneel.”

1 medium ryp, maar ferm papaja
2 groot wortels
sap van lemoen of naartjie
sout en peper, opsioneel

Skil papaja en verwyder pitte. Sny in blokkies
Skil die wortels. Rasper dit grofweg.
Voeg alles bymekaar en geniet as heerlike somerslaai.
Genoeg vir 2 persone.

Resep en foto: Christelle van Rooyen