PANNEKOEK SONDER MELK

Dié pannekoek vries ook baie goed. Ek bak dit en vries dit so 10 op ‘n slag. As ‘n mens minder wil maak dan deel jy net die bestanddele in vier. Ek het gevind as ek net ‘n kwart van dit maak, kom daar ongeveer 10 pannekoeke uit.

• 4 koppies koekmeel
• ½ teelepel sout
• 4 eiers
• 5 koppies water
• ½ koppie olie
• 4 teelepels bakpoeier

Sif meel en sout saam.
Klits eiers, water en olie saam en voeg by koekmeelmengsel.
Klits stadig by sodat dit nie klonte vorm nie. Gebruik ‘n “whisk” as jy nie ‘n klitser het nie.
Voeg die bakpoeier heel laaste by.
Laat rus die deeg vir sowat 30 min en bak pannekoeke in ‘n redelike warm pan.
Nota:
Sit so nou en dan bietjie olie in die pan terwyl jy bak.

Resep geplaas deur Francis Schoeman
Foto: Juanita Vermeulen