PANNEKOEK GEBAK MET BROODMEEL

My man het dit baie geniet. Vir my is die pannekoek ‘n bietjie swaarder, maar dit bak vinniger as gewone pannekoek.

450 ml broodmeel
500 ml melk
knippie sout
2 eiers, geklits

Plaas meel en sout in mengbak. Klits melk en eiers saam, voeg by meelmengsel en klits tot goed gemeng. Laat rus vir so ½ uur in die yskas.
Bak in ‘n warm pan gesmeer met bietjie olie na elke pannekoek.

Wenk:
In plaas van olie in warm pan te gooi, plaas bietjie olie in ‘n bakkie en smeer die pan met papierhanddoek wat in olie gedoop is. Dit werk vir my.

Resep en foto: Ani Fourie