PAMPOENTERT MET ROOMSOUS
Resep: Renette van der Merwe
Foto: Adrian Fleming
- 100 g botter
- 200 ml suiker
- 3 eiers, geklits
- 250 ml koekmeel
- 15 ml bakpoeier
- knippie sout
- 5 ml vanilla geursel
- 3 koppies gaar pampoen of botterskorsie, fyngemaak
- Sous:
- 75 g botter
- 200 ml room
- 125 ml suiker
- Verhit die oond tot 180°C.
- Room die botter en suiker saam. Voeg geklitsde eier bietjie vir bietjie by.
- Roer die meel, bakpoeier en sout by. Roer pampoen en vanilla geursel in.
- Skep die beslag in ‘n gesmeerde oondbak en bak vir 45 minute.
- Maak die sous 10 minute voor die tert uit die oond gehaal word.
- Verhit al die bestanddele saam in ‘n pot. Dit moet borrel.
- Sodra die tert uit die oond kom, giet die sous oor die tert.
- Laat staan vir paar minute en bedien.
