PAMPOEN- EN PATATTERT

125 ml bruinsuiker
125 ml sagte botter
3 eiers geklits
5 ml sout
5 ml vanilla geursel
240 ml bruismeel
500 g pampoen geskil, gekook en fyn gedruk
250 g patat (oranje patat het meeste smaak) geskil, gekook en fyn gedruk
fyn kaneel vir bo-oor strooi

Voorverhit die oond tot 180 °C. Spuit ’n oondbak met kossproei.
Verroom die botter en suiker saam.
Klits die eiers en vanilla geursel by tot goed in gemeng.
Voeg die sout en bruismeel by en meng deur.
Meng die fyn gedrukte pampoen en patat goed deur en voeg by die bestanddele en meng alles saam tot ‘n gladde beslag.
Skep in die oondbak en bak vir 45 minute tot goudbruin en gaar.

Foto en resep: Johan Rossouw