PAASBOLLETJIES (HOT CROSS BUNS)
- Bolletjies:
- 15 ml kitsgis
- 125 ml witsuiker
- 375 ml warm melk
- 4¼ koppies koekmeel
- 10 ml kaneel
- 10 ml gemengde speserye
- 2.5 ml sout
- 375 ml vrugtekoekmengsel
- 50 g gesmelte bakmargarien
- 1 eier
- ¼ koppie ekstra koekmeel
- Kruise:
- 125 ml koekmeel
- 75 ml koue water
- Glaseersel:
- 15 ml appelkooskonfyt
- 30 ml water
Meng die koekmeel, gis, suiker, kaneel, sout en gemengde speserye in ‘n staanmenger bak en meng liggies met deeghaak.
Voeg margarien, melk, eier en vrugte by en meng op spoed nr 2 vir 5 minute, tot elasties. Voeg van die ekstra koekmeel by na 1 minuut indien nodig.
Jy kan dit ook as alternatief vir 10 minute knie met die hand op ‘n meelbestrooide oppervlak.
Deeg is gereed wanneer dit nie breek wanneer jy dit rek nie.
Eerste rys:
Bedek die deeg in die bak met ‘n doek en plaas op ‘n warm plek om te rys tot dubbel die volume, ongeveer ‘n uur.
Knie die deeg af en vorm in 12 ewe groot stukke.
Rol in bolletjies en rangskik in gesmeerde oondpan.
Smeer ‘n stuk kleefplastiek met olie en bedek die bolletjies.
2de rys:
Laat rys op ‘n warm plek vir ongeveer 30 minute tot 75% gerys (minder as dubbel).
Stel die oond op 180°C ongeveer halfpad deur die rys proses.
Kruise:
Meng die koekmeel en water om ‘n dik loperige pasta te vorm. Skep in versierbuis, verwyder kleefplastiek van die deeg en spuit kruise op bolletjies.
Bak vir sowat 22 minute tot diep goudbruin van kleur.
Glasering:
Meng intussen konfyt en water in ‘n mikrogolfbestande bakkie en mikrogolf vir 30 sekondes tot dit warm en gesmelt is.
Verwyder gaar bolletjies uit die oond en plaas op ‘n afkoel rak.
Verf die bolletjies dadelik met die konfytmengsel.
Laat bolletjies afkoel tot lou en bedien.
Resep geplaas deur Elaine Steyn
Hooffoto: Carli Fourie
2de Foto: Elain Steyn
