OUTYDSE KONFYTTERTJIES

Resep en foto: Amanda Austen – Regte Jam-tertjies

5 x 250 ml koekmeel
10 ml koeksoda
500 ml suiker
2 ml sout
10 ml kremetart
180 ml melk
3 eiers
125 g margarien of botter
konfyt vir binne die tertjies
Opsioneel: eier en melkmengsel vir bo-oor verf
Voorverhit die oond tot 180°C. Klits die botter en suiker tot lig en romerig. Voeg die eiers een vir een by en klits goed.
Los die koeksoda in die melk op en voeg by. Klits deur.
Voeg die res van die bestanddele by en meng tot ‘n sagte deeg. Rol die deeg dun uit en druk sirkels uit.
Smeer die kante met yswater en skep konfyt in die middel van die sirkel. Vou dubbel en druk die kante toe met ‘n vurk.
Ek het bietjie eier en melkmengsel bo-op gesmeer.
Bak 15 min lank of tot goudbruin.