OUMA SE MOSTERD
‘n Baie lekker mosterd resep van my Ouma. Hoe langer hy staan hoe lekker word hy. Heerlik op kouevleis.
- 4 eiers
- 6 eetlepels asyn
- 3 eetlepels suiker
- 1 ½ eetlepel mosterdpoeier
- knippie sout
Meng die suiker en mosterdpoeier saam sodat die mosterd nie klonte maak as die nat bestanddele bygevoeg word nie.
Voeg die eiers, asyn en sout by.
Klits baie goed met ‘n elektriese klitser.
Verhit oor lae hitte en prut stadig tot dik en gaar.
Resep en foto: Alta de Wet