OUMA KOTIE SE KERRIEHOENDER

Let wel: hierdie resep kry geen kerrie en geen water in nie. Ook bekend as rooihoender.

2 kg hoenderporsies
500 g uie, fyngekap
200 g margarien
500 g tamaties, ontvel en gekap of geblikte tamaties
10 ml borrie
15 ml fyn koljander
30 ml vars gemmer, baie fyngesny
30 ml vars knoffel, baie fyngesny
2 groenrissies, opgesny
sout en peper na smaak
rooipeper na smaak (hang af van persoonlike smaak)

Braai die uie in die margarien tot deurskynend.
Voeg al die ander bestanddele by die uie en roerbraai tot goed gemeng.
Voeg die hoenderporsies by en geur met sout en peper.
Laat kook tot gaar. (Indien verkies, kan die hoenderbene op hierdie stadium verwyder word).
Plaas die hoendervleis weer terug in die pot, voeg die rooipeper by en laat stadig prut op lae stelling.
Bedien saam met rys.

Resep en foto: Amanda Austen