OUMA ELLA SE OLIE SJOKOLADEKOEK

Beslag:
4 eiers, geskei
125 ml olie
4 opgehoopte eetlepels kakao
250 ml kookwater
375 ml suiker
5 ml vanieljegeursel
450 ml koekmeel
15 ml bakpoeier
2 ml sout
Versiersel:
1 blik karamelkondensmelk
375 g versiersuiker, of bietjie meer indien dikker versiersel benodig word
45 ml kakao
1 groot blok Top Deck sjokolade, teen kamertemperatuur gerasper – dit lyk soos lang krulle

Beslag:
Meng water, olie en kakao – laat effens afkoel.
Klits eiergele en gooi suiker bietjies bietjies by terwyl klits.
Meng vanieljegeursel by.
Sif droë bestanddele en meng met nat mengsel.
Klits eierwitte styf en vou in die beslag.
Gooi in panne en bak teen 180 °C vir 25 – 35 minute.
Laat afkoel.

Versiersel:
Plaas die karamel in ‘n bak.
Sif die versiersuiker en kakao en meng dit saam met die karamel tot glad.
Versier die koek en gooi sjokoladekrulle bo-op.

Resep en foto: Jean Botha