OORSKIET KAPOKAARTAPPEL KOLWYNTJIES
Ek het vandag vir ons met oorskiet kapokaartappels kolwyntjies gebak.
- 3 koppies gaar kapokaartappels
- 1 koppie bruismeel
- 250 g spek
- 4 wieletjies Fetakaas, fyn gemaak
- 4 eiers
- 4 grasuie, gekap
- 5 ml knoffel
- 5 ml mosterd
- 2 ml paprika
- peper na smaak
Braai spek tot bros en sny in stukkies.
Meng al die bestanddele saam. Hierdie is ‘n stywe beslag.
Skep ‘n opgehoopte eetlepel van die beslag in kolwynpannetjie.
Bak vir 30 min in vooraf verhitte oond teen 180°C.
Nota:
Ek het 18 kolwyntjies uitgekry.
Heerlik saam met braaivleis.
Wenk:
Ek het nie nog sout bygevoeg omdat die kapokaartappels reeds sout in het en die spek en Fetakaas ook wat bygevoeg is.
Resep en foto: Elna Erasmus
