OONDPAN ROLLETJIES

Resep: Debbie Willemse
Foto: Ruhana du Plessis
Hier is my pan “bun” resep. Dis baie lekker sagte rolletjies.

• 2 ¾ koppies koekmeel
• 1 eetlepel sout
• 1 pakkie kitsgis
• 2 eetlepel suiker
• ¾ koppie lou warm melk
• ½ koppie lou warm water
• 3 eetlepels margarien
• 1 eier
• Meng die gis, suiker, melk en water in ‘n mengbak en laat staan eenkant vir 5 minute.
• Voeg die margarien en eier by die gismengsel en roer deur.
• Voeg die sout en meel by die mengsel in die mengbak en knie deur, jy hoef nie lank te knie nie.
• Plaas die deeg eenkant en laat dit vir ‘n uur rys.
• Na die uur kan jy die deeg vorm na eie keuse en in ‘n gesmeerde oondpan pak.
• Laat staan die oondpan met die deeg tot dit die pan vol gerys het.
• Bak die rolletjies in ‘n voorverhitte oond by 180°C vir ongeveer 20 minute of tot deurgaar en goudbruin.
• Nota: Debbie Willemse
• Jy kan die deeg in ‘n pan op die stoof bak, die hitte moet net laag wees en draai die rolletjies gereeld om, sodat dit eweredig kan bak.
• Nota: Ruhana de Plessis – Ek het die rolletjies met ‘n geklitsde eier geverf, voor ek  dit gebak het.