OONDGEBAKTE VARKSTERTJIES MET KNOFFEL

Resep en foto: Gideon Louw
Ekt vanaand vir ons die heerlike varkstertjies in die oond gaargemaak.
Vroulief het lekker “smash” gemaak wat ons saam met die stertjies geniet het …dit was djeeeeeerlik.

• 6 ontvelde varkstertjies
• 1 groot ui
• 4 eetlepels olyfolie
• 2 eetlepels balsamiese asyn
• 3 eetlepels bruinasyn
• 2 eetlepels Dijon mosterd
• 1 eetlepel sout
• 3 eetlepels suiker
• 2 teelepels witpeper
• 2 fyngedrukte knoffelhuisies
• roosmaryn takkie
• Plaas ses ontvelde varkstertjies  in ‘n oondbak.
• Skil een groot ui en sny dit op in  stukke  en plaas dit tussen die stertjies. Meng al die ander bestanddele, behalwe die roosmaryn saam.
• Strooi die mengsel oor die vleis en uie in die pan.
• Plaas ‘n roosmaryn takkie bo op en bedek met foelie.
• Bak in die oond vir 3 ure op 180°C.
• Verwyder die foelie en verbruin die vleis ‘n bietjie deur dit vir ‘n paar minute te bak onder die rooster van die oond.
• Skep ‘n bed van “smash” op jou bord en maak ‘n dammetjie innie middel.
• Skep nou die vleis- en uiemengsel in die dammetjie saam met die heerlike sous.

Nota:
Voor opskep het ek die meeste vet uit die bak geskep.
Hier is ‘n foto voor en na en oppie bord.