OONDGEBAKTE HEUNING EN MOSTERD STOKVIS

4 medium gevriesde stokvisfilette
‘n paar dun skywe harde botter
gekapte knoffel, na smaak
1 ring Feta kaas
Aromat en growwe swart peper, na smaak
1 groot ui, gesny
1 lang rooi soetrissie, fyn gesny
½ bottel Ina Paarman Creamy Honey and Mustard Dressing

Pak die stokvisfilette onder in ‘n oondvaste glasbak (nie nodig om bak te smeer nie).
Strooi die dun skywe harde botter en gekapte knoffel oor die vis.
Krummel die feta kaas oor en geur met Aromat en peper na smaak.
Strooi die ui en soetrissie oor vis.
Neem die Ina Paarman Creamy Honey and Mustard slaaisous en strooi oor alles in glasbak.
Bak in oond op medium hitte tot gaar en effens bruin bo.
Bedien met gegeurde kapokaartappels, vars gekookte heel groenbone en skywe vars butternut.

Foto en resep: Christelle van Rooyen