OONDGEBAKTE HEEL LAMSNEK

Ons geniet dit saam met blomkool en gekookte wortels en was heerlik.

1 heel lamsnek
2 gekerfde uie
1 teelepel brandrissievlokkies
1 teelepel knoffelvlokkies
4 – 6 aartappels, in helfte gesny
sout en peper na smaak
foelie om te bedek

Plaas die heel lamsnek in ‘n oondbak saam met gekerfde uie en bedek met foelie.
Bak vir omtrent 2 en ‘n half ure op 160ºC.
Voeg dan die aartappels by, sit sout en peper by na smaak en sprinkel die brandrissievlokkies en knoffelvlokkies oor.
Bedek weer met foelie en bak vir nog 30 minute of tot aartappels gaar is.
Verwyder die foelie en verbruin op lae rooster vir omtrent 15 tot 20 minute.

Resep en Foto: Gideon Louw